估唔到真係需要咁長時間休養，家陣我十足十人地生完BB咁~坐月！

身邊好多人提醒我：小心d呀，唔好做家務呀，唔好行咁快呀，護住個肚呀，要戒口呀........

好多好多既關心，好感謝你地

手術後一個星期就辛苦d，傷口扯住痛，成日做蝦米人，訓覺都會好辛苦，訓又唔係，坐又唔係，企更加唔係！傷口裡面成間屋仔赤赤痛，辛苦！

近幾日已經好好多喇，當然都係冇乜點郁，不過訓覺就舒服好多，好明顯傷口冇之前咁扯，個人行起上黎冇咁蝦米feel！

前幾日，第一次出街，因為早前約左返眼科診所覆診，見果日狀態都ok，就出去行下啦！

平日你行一兩個街口，真係話咁快就行完，但果日我就蟻"冷"咁，好耐先到！

診所附近係mercibeaucoup，好想去行下，就叫左亞媽陪我去shopping，今日個女sales好nice，係咁介紹d衫比我，我其實係想去買條belt，但已售罄，sales善意向我介紹我想要既belt，款式係帶在中腰位置的！

我表示我知道之後，say thank you便離開，轉身走既時候，先會意呢位小姐原來誤會我大肚

想行多陣都唔得喇，實在係超級疲累，行多一陣我驚會暈低tim，拿拿聲打的返屋企。

呢兩個星期過得好快，下晝多數係睇DVD(聖經人物)，睇書，上網，訓覺，都未至於係好悶！

我以為食、訓、唔使做，會變肥婆tim，點知今日去磅重，輕左5磅啊！

本來想休3個星期就開始復工，但睇黎都係抖足一個月好d！